"ETORRI HUNAT

"Etorri hunat"

dioen ahots ezti batek iratzarri nau.

Ene begien aitzinean ikuskizun paregabea:

urtubiarrak eta altzatetarrak bat eginik

Logroñoko fraideen eta

Bordeleko Pierre de Lancreren kontra;

sorginek, lamiek eta agoteek elkar harturik

su eman diote Urtubiko Gazteluari.

Akelarreak eta paganismoa hedatu dira bazter guzietara.

Mugaldekoen legea ezarri da oroz gainetik.

Bazterreko ahotsak gailendu dira

Bidasoaren bi alderdietan.

Eta sinesten ez badun,

"Etorri hunat"."

EDU ZELAIETA "mugaldekoak"

www.basquepoetry.net/?i=bila&b=izan