"Ο ΕΦΗΒΟΣ ΤΩΝ ΑΝΤΙΚΥΘΗΡΩΝ

(ANTIKITHERAKO GAZTEA)

Que se desnude aquél que tenga alma.

MIGUEL OTERO SILVA

Antikitherako gazteak

ez dela bidezkoa esan dit.

Ez duela sekula inork

nire desira begiokin begiztatu,

eta berak ere begiztandu nahi nindukeela,

gisa berberan,

biluzik.

Soin-uhalak deslotu

eta ezkutuko erresuma

argiratu diodanean,

bere begirada urduria

betirako itxeki zait,

eta eskua luzatu dit.

Geldi gintezkeen horrelaxe

eternitatea amaitu artean,

elkarri konpainia eginez,

baldin eta

aretoko zaindariek

besotik heldu eta airean

Ethniko Archaiologiko Mouseio-tik.

kanporatu ez banindute."

AINTZANE GALARDI